بدخشان؛ خاش ولسوالۍ کې د ۱۰۰ چاپندازانو ترمنځ د وزلوبې سيالۍ پای ته ورسېدې
د بدخشان ولایت د بدني روزنې او ورزش امريت اړوند د وزلوبې، نېزه وهنې او دوديزو لوبو ملي فدراسيون د استازولۍ له لوري د ياد ولايت په خاش ولسوالۍ کې د ۱۰۰ چاپندازانو ترمنځ د وزلوبې سيالۍ پای ته ورسېدې.
د دغو سياليو په پایله کې نجيب مختار او فرهاد پهلوانانو خوسی تر حلالې دایرې ورسوه او د ډاليو ګټونکي شول.
د يادو سياليو موخه په خاش ولسوالۍ کې د وزلوبې ورزش ته وده ورکول و، چې څلور ورځې يې دوام وکړ.
