جوزجان؛ مردیان ولسوالۍ کې د ۸۰ ورزشکارانو ترمنځ د پهلوانۍ سيالۍ وشوې
د جوزجان ولایت د بدني روزنې او ورزش امريت اړوند د پهلوانۍ ملي فدراسیون د استازولۍ له لوري د ياد ولايت په مردیان ولسوالۍ کې د ۸۰ ورزشکارانو ترمنځ د پهلوانۍ سيالۍ ترسره شوې، چې يوه ورځ يې دوام وکړ.
د دغو سياليو په پایله کې د شپږو جوړو لوبې مساوي او ۱۴ ورزشکارانو خپلو سيالانو ته په ماتې ورکولو سره د اتلولۍ مقامونه خپل کړل.
د يادو سياليو موخه د ورزشکارانو ترمنځ سيمه ييزو او دوديزو لوبو ته وده ورکول و.
