جوزجان؛ مرکز شبرغان ښار کې د ۱۰ لوبډلو ترمنځ د فوټسال سیالۍ پای ته ورسېدې
د جوزجان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز شبرغان ښار کې د ۱۰ لوبډلو ترمنځ د فوټسال سیالۍ د رویال اف سي لوبډلې په اتلولۍ پای ته ورسېدې.
د دغو سیالیو پایلوبې ته د ورزش ادارې فني او مسلکي مرستیال حافظ احمد جان ځدراڼ او ولایتي مسوولینو ګډون کړی وو، چې په پایلوبه کې رویال اف سي لوبډلې خپلې سیالې قلعه حجري لوبډلې ته د ۴/۲ ګولونو په توپير ماتې ورکړه او اتلولي یې خپله کړه.
یادې سیالۍ د خان ارا جمنازیوم په کوربهتوب ترسره شوې او موخه یې د لوبغاړو ورزشي روحیه پیاوړي کول او د ځوانانو ترمنځ یووالی رامنځته کول و، چې ۲۷ ورځې یې دوام وکړ.
