خوست کې د لس لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت له لوري د یاد ولایت مرکز اړوند غرغښت سیمه کې لسو لوبډلو ترمنځ د ټېپ بال کرېکټ سیالۍ، چې یوه میاشت مخکې پیل شوې وې؛ د نیازي ټایګرز لوبډلې په اتلولي پای ته ورسېدې.
د یادو سیالیو پایلوبه کې نیازي ټایګرز لوبډلې له خپل ۱۷۱ منډو هدف څخه دفاع وکړه او د شپږ منډو په توپیر یې خپلې سیالې ځوان زلمي لوبډلې ته ماتې ورکړه او اتلولي یې وګټله.
