د هرات ولايت ولسوالیو او ښارګوټو په کچه د واليبال سيالۍ پيل شوې
د هرات ولايت بدني روزنې او ورزش ریاست په مرسته د واليبال فدراسيون له لورې د ولسوالیو او ښارګوټو ١٢لوبډلو ترمنځ د واليبال جام سيالۍ پيل شوې.
دغه سيالۍ چې ترقي پارک ته څېرمه د تابان واليبال لوبغالي کې ترسره کيږي په لومړي ورځ يې څلور لوبې وشوې چې شنډنډ د ٣-٠ غوريان لوبډلې ته ماتې ورکړه په همدې ترتیب پښتون زرغون لوبډلې ٣-٠ اسلام قلعه له مخې لري کړه همداراز تورغونډۍ ښارګوټي ٣- ١ د اوبه ولسوالۍ لوبډله له ماتې سره مخ کړه.
په پاى کې د ادرسکن ولسوالۍ هم ٣-٠ امتياز سره انجيل لوبډله ماته کړه.
د واليبال دغه جام چې د هرات ولسوالیو او ښارګوټو په کچه پيل شوى تر يوې مياشتې به دوام وکړي.
