د هرات مرکز کې د رزمي ورزشونو پانکرېشن سيالۍ وشوې
د هرات ولايت د بدني روزنې او ورزش رياست اړوند د پانکرېشن ملي فدراسيون د استازولۍ له لوري د ياد ولايت په مرکز کې د ۶۰ ورزشکارانو ترمنځ د نويو ځوانانو او ځوانانو ورزشکارانو په عمري کټګوريو کې د رزمي لوبو د پانکرېشن اتم پړاو سيالۍ وشوې، چې يوه ورځ يې دوام وکړ.
دغه سيالۍ د تک فايټ په ډول ترسره شوې، چې په پايله کې ۳۰ ورزشکارانو خپلو سيالانو ته په ماتې ورکولو سره برياوې خپلې کړې.
