تېره شپه د کابل والي ملا امین الله عبید له لوري د دودیزې غېږ نیونې بین المللي جشنوارې بهرني لوبغاړي او ورزشي مسؤولین مېلمانه شوي و.
ښاغلي عبید ټولو بهرنیو مېلمنو ته د ښه راغلاست ترڅنګ له دوی مننه وکړه، چې د ورزش ادارې بلنه یې ومنله او افغانستان ته راغلل.
دغه راز د مېلمستیا په پای کې د ښاغلي ملا امین الله عبید له لوري ټولو بهرنیو مېلمنو ته ځانګړي سندسونه ډالۍ شول او همداراز د بهرنیو مېلمنو له لوري ښاغلي عبید او د ورزش ادارې عمومي رئیس مولوي احمدالله وثیق ته د خپلو هېوادونو کلتوري ډالۍ ورکړل شوې.
