ننگرهار: سيد احمد خېل لوبډلې د کوټ ولسوالۍ د واليبال سياليو اتلولي وگټله
د ننگرهار ولايت د بدني روزنې او ورزش رياست په همکارۍ او د واليبال فدراسيون د استازولۍ له لوري د ياد ولايت په کوټ ولسوالۍ کې د ۱۲ لوبډلو ترمنځ د واليبال سيالۍ د سيد احمد خېل لوبډلې په اتلولۍ پای ته ورسېدې.
د يادو سياليو پايلوبه کې سيد احمد خېل لوبډلې خپلې سيالې خوشحال بابا لوبډلې ته د ۳ پر ۰ ميدانونو په توپير ماتې ورکړه او اتلولي يې خپله کړه.
د يادونې وړ ده، چې دغو سياليو ۱۴ ورځې دوام وکړ.
