هلمند؛ خانشین ولسوالۍ کې د ١٦ لوبډلو په ګدون د فوټبال سیالۍ پیل شوې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري په خانشین ولسوالۍکې د "جوړ افغانستان" په نوم د ۱۶ لوبډلو ترمنځ د فوټبال ګروپي سیالۍ پیل سوې.
د دغو سیالیو لومړۍ لوبه د ځواک او نوی ځوانان لوبډلو ترمنځ صفر - صفر مساوي شوه.
یادې سیالۍ د ځوانانو د سالم مصروفیت او هڅونې په موخه ترسره کیږي، چې درې اونۍ به دوام وکړي.
