کابل کې د پنځو ولایتونو ترمنځ د رزمي لوبو د کيک جيتسو سبک سيالۍ پيل شوې

د المپيک، بدني روزنې او ورزش عمومي ریاست اړوند د رزمي لوبو ملي فدراسيون له لوري د ياد رياست په ۵۰۰ کسيز جمنازيوم کې د پسرلني جام په نوم د پنځو ولایتونو کابل، کاپيسا، پروان، لوګر او ميدان وردګ د ۱۵۰ ورزشکارانو ترمنځ د رزمي لوبو د کيک جيتسو سبک تشويقي سيالۍ پیل شوې.

دغه سيالۍ به د تنکيو ځوانانو، نويو ځوانانو، ځوانانو او لويانو ورزشکارانو په عمري او له ۲۰ څخه تر ۸۰ کيلو ګرام وزني کټګوريو کې ترسره شي، چې په پايله کې به غوره ورزشکارانو ته مډالونه او ستاینلیکونه ورکړل شي.

د يادو سياليو موخه رزمي لوبو ته د ځوانانو هڅول دي، چې دوې ورځې به دوام وکړي.