کندز؛ امام صاحب ولسوالۍ کې د ۹ لوبډلو ترمنځ د فوټسال ب درجه سیالۍ پيل شوې
د کندز ولایت د بدني روزنې او ورزش ریاست اړوند د فوټبال ملي فدراسیون د استازولۍ د فوټسال کمېټې له لوري د یاد ولایت په امام صاحب ولسوالۍ کې د ۹ لوبډلو ترمنځ د فوټسال ب درجه سیالۍ پيل شوې.
د دغو سیالیو په لومړۍ لوبه کې توت مزار نویو ځوانانو لوبډلې خپلې سیالې میوند ځوانانو لوبډلې ته د ۸/۳ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټسال لوبو ته وده ورکول او د غوره لوبغاړو موندل دي.
