کندز؛ قلعه زال ولسوالۍ کې د درېيو ولايتونو ترمنځ د واليبال سيالۍ وشوې
د کندز ولايت د بدني روزنې او ورزش ریاست په همغږۍ، واليبال فدراسيون د استازولۍ له لوري د قلعه زال ولسوالۍ په چهارگل تپې سيمه کې د درېيو ولايتونو شپږو لوبډلو ترمنځ د واليبال سيالۍ وشوې.
په يادو سياليو کې پر کندز سربیره له بلخ او جوزجان ولایتونو څخه لوبډلو گډون کړی وو، چې په پايلوبه کې چهاردرې ولسوالۍ لوبډلې خپلې سيالې جوزجان قيوم چاچه لوبډلې ته د ۳۱ پر ۲۷ امتيازونو په توپير ماتې ورکړه او اتلولي يې وگټله.
