کندز کې د ۴۰ پهلوانانو ترمنځ د کورش ټاکنيزې سيالۍ وشوې
د کندز ولايت د بدني روزنې او ورزش ریاست په همغږۍ، د سامبو کورش فدراسيون د استازولۍ له لوري د ياد ولايت په مرکز شايان کلب کې د ۴۰ پهلوانانو ترمنځ د کورش ټاکنيزې سيالۍ وشوې.
دا سيالۍ په بېلابېلو وزنونو کې ترسره شوې، چې په پايله کې ۷ تنو لومړي او ۷ تنو بيا دويم مقامونه خپل کړل.
د يادو سياليو موخه د ياد ولايت په کچه د غوره پهلوانانو موندل وو او يوه ورځ يې دوام وکړ.
