خوست کې د اتو لوبډلو ترمنځ د هاکي سیالۍ پیل شوې
خوست ولایت کې د هاکي ملي فدراسیون د استازولۍ له لوري د دې ولایت د بدني روزنې او ورزش امریت او ښاروالۍ ریاست په ملاتړ د اتو لوبډلو ترمنځ د هاکي سیالۍ پیل شوې.
د دې سیالیو پیلیزه لوبه کې نادرشاه کوټ لوبډلې خپلې سیالې دلپوري لوبډلې ته د ۳ ـ ۱ ګولونو په توپیر ماتې ورکړه او لومړۍ بریا یې خپله کړه.
دغه سیالۍ د هاکي لوبې د ودې او د ځوانانو د وړتیاوو د څرګندولو په موخه پیل شوې، چې یوه اونۍ به دوام وکړي.
