بغلان کې د ۱۶ لوبډلو ترمنځ د فوټسال ب ليګ سيالۍ پيل شوې
د بغلان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز پلخمري ښار کې د ۱۶ لوبډلو ترمنځ د فوټسال ب ليګ سيالۍ پيل شوې، چې دوې اوونۍ به دوام وکړي.
د دغو سياليو لومړۍ لوبه د اميد فردا او بختيار اف سي لوبډلو ترمنځ صفر پر صفر مساوي پای ته ورسېده.
د يادو سياليو موخه د بغلان ولايت د فوټسال منتخبې لوبډلې ته د غوره لوبغاړو موندل دي.
