بادغیس؛ ابکمري ولسوالۍ کې د پستې ګل ورزشي جشنواره پای ته ورسېده
د بادغیس ولایت د بدني روزنې او ورزش امريت په همکارۍ او د ابکمري ولسوالۍ ورزشي مديريت له لوري د يادې ولسوالۍ په موسوم سيمه کې د پستې ګل په نوم د ۱۲۰ پهلوانانو ترمنځ د پهلوانۍ ورزشي جشنواره ترسره شوه.
په دغه ورزشي جشنواره کې د هلمند، غور او بادغیس ولایتونو پهلوانانو د ۶۰، ۸۰ او ازاد وزنونو کې ترسره شوې، چې په پايله کې عبدالصمد رحيمي په ۶۰ کيلو ګرام کې لومړی، محمد سخي په ۸۰ کيلو ګرام کې لومړی او حامد روفي په ازاد وزن کې لومړی مقام خپل کړ.
د يادې ورزشي جشنوارې موخه دوديزې لوبې دودول، د يووالي روحيه پياوړي کول او د پهلوانانو ترمنځ سالم رقابت رامنځته کول و، چې درې ورځې يې دوام وکړ.
