د هرات ولایت اټک انرژي فوټبال لوبډلې د افغانستان د اتلانو ليګ دويم پړاو اتلولي خپله کړه
د هرات ولایت فوټبال او غرب زون په استازيتوب د اټک انرژي لوبډلې د جذابو او ليدنې وړ سياليو په ترسره کولو سره د افغانستان اتلانو ليګ دويم پړاو سياليو اتلولي وګټله.
د افغانستان اتلانو ليګ د دويم فصل لسمې اوونۍ په درېيمه لوبه کې د هرات اټک انرژي او د فراه ابو مسلم لوبډلو ترمنځ لوبه "١-١" مساوي شوه، چې په دې سره اټک انرژي د دې لوبې په مساوي کېدو سره د دې فصل سياليو اتلولي ترلاسه کړه.
په دې سره د اټک انرژي لوبډلې ٢٨ امتيازونه تر لاسه کړل او د ليګ تر پاى ته رسېدو مخکې يې اتلولي خپله کړه.
همدا راز د فراه ابومسلم لوبډلې هم په دې مساوي کېدو سره د ۲۴ امتیازونو په درلودلو سره د جدول دویمه لوبډله ده.
