سمنگان کې د څلورو لوبډلو ترمنځ د بسکټبال سیالۍ لېسه نمبر ۲ لوبډلې په اتلولۍ پای ته ورسېدې
]د سمنګان ولایت د بدني روزنې او ورزش امریت اړوند د بسکټبال ملي فدراسیون د استازولۍ له لوري د یاد ولایت په مرکز کې د څلورو لوبډلو ترمنځ د بسکټبال سیالۍ، چې څو ورځې مخکې پيل شوې وې د لېسه نمبر ۲ لوبډلې په اتلولۍ پای ته ورسېدې.
د دغو سیالیو په پایلوبه کې لېسه نمبر ۲ لوبډلې خپلې سیالې شریفي لوبډلې ته د ۳۲/۲ امتیازونو په توپير ماتې ورکړه او اتلولي یې خپله کړه.
د یادو سیالیو موخه د سمنګان ولایت د بسکټبال لوبډلې ته د غوره ورزشکارانو ټاکل و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
