خوست؛ په ځاځي میدان ولسوالۍ کې د ۱۶ لوبډلو ترمنځ د ټېپ بال کرېکټ سيالۍ پای ته ورسېدې
د خوست ولايت د بدني روزنې او ورزش امريت له لوري د ياد ولايت د ځاځي میدان ولسوالۍ د الګاډې په سیمه کي د مصطفی ځاځي جام په نوم د ۱۶ لوبډلو ترمنځ د ټېپ بال کرېکټ سيالۍ پای ته ورسېدې.
د دغو سياليو پايلوبه د اسکندرې او الګاډې لوبډلو ترمنځ ترسره شوه، د الګاډې لوبډلې د پچې په ګټلو سره د توپ وهنې پرېکړه وکړه، چې په ټاکليو لسو اورونو کې د اتو لوبغاړو په سوځېدو سره مقابلې لوبډلې ته د ۱۱۳ منډو هدف وټاکه. په ځواب کې د اسکندرې لوبډلې په ټاکليو لسو اورونو کې د اووه لوبغاړو په سوځېدو سره ۹۲ منډې جوړې کړې او لوبه يې د ۲۰ منډو په توپير سره وبايلله.
د يادو سياليو موخه ورزش ته د ځوانانو هڅول و، چې يوه مياشت يې دوام وکړ.
