ننګرهار؛ په خوږیاڼو ولسوالۍ کې د ۴۴ ورزشکارانو ترمنځ د لاس چپه کولو سيالۍ ترسره شوې

د ننګرهار ولایت د بدني روزنې او ورزش رياست اړوند د ملي او دوديزو لوبو مدريت له لوري د ياد ولايت په خوږیاڼو ولسوالۍ کې د ۴۴ ورزشکارانو ترمنځ د لاس چپه کولو سيالۍ ترسره شوې.

د غه سيالۍ، د کوچنيانو او لويانو په عمري کټګوريو کې ترسره شوې، چې په پايله کې د کوچنيانو له کټګورۍ حشام لومړی، شيرزاد دويم او داود درېيم مقام ترلاسه کړ او په لويانو کې تسل لومړی، حامد دويم او نصیب الله درېيم مقام ترلاسه کړ.

د يادو سياليو موخه ورزش ته د ځوانانو هڅول و، چې يوه ورځ يې دوام وکړ او په پای کې غوره ورزشکارانو ته کپونه ورکړل شول.