کونړ؛ مرکز اسعد آباد ښار کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز اسعد آباد ښار په شګۍ کلي کې د اتو لوبډلو ترمنځ د ټېپ بال کرېکټ سیالۍ د نجیب لوبډلې په اتلولي پای ته ورسېدې.
د یادو سیالیو پایلوبه د توحيد آباد او نجیب لوبډلو ترمنځ ترسره شوه. د لوبې پچه نجیب لوبډلې وګټله او لومړی یې توپ وهنه وکړه، چې په ټاکلو ١١ اورونو کې یې د پنځو ویکټو په زیان خپلې سیالې لوبډلې ته د ١٦٢ منډو هدف وټاکه. توحيد آباد لوبډلې د هدف په تعقیب کې د اتو ویکټو په زیان ١٥١ منډې وکړې او د لسو منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې دوې میاشتې یې دوام وکړ.
