پکتیا؛ څمکنیو ولسوالۍ کې د ۱۰۰ ورزشکارانو ترمنځ د UFC سبک سیالۍ وشوې
د پکتیا ولايت د بدني روزنې او ورزش رياست اړوند د رزمي لوبو فدراسيون د استازولۍ له لوري د څمکنیو ولسوالۍ په مرکزي سټډیوم کې د ۱۰۰ ورزشکارانو ترمنځ د رزمي لوبو UFC سبک دوستانه سيالۍ وشوې.
دغه سيالۍ د تنکیو ځوانانو، نويو ځوانانو، ځوانانو او لويانو ورزشکارانو په عمري کټگوريو کې ترسره شوې، چې په پايله کې ۵۰ تنو خپلو سيالانو ته په ماتې ورکولو سره برياوې خپلې کړې.
د سیالیو موخه په یاد ولایت کې د رزمي لوبو UFC سبک ته وده ورکول و، چې یوه ورځ یې دوام وکړ او په پای کې غوره ورزشکارانو ته د اتلولۍ حکمونه، کپونه او مډالونه ورکړل شول.
