بلخ کې د ۱۰۰ چاپندازانو ترمنځ د وزلوبې سيالۍ وشوې
د بلخ ولايت د بدني روزنې او ورزش رياست په همکارۍ او د وزلوبې، نيزه وهنې او سيمه ييزو لوبو ملي فدراسيون د استازولۍ له لوري د مرکز اړوند حاجي مقيم بای لوبغالي کې د ۱۰۰ چاپندازانو ترمنځ د وزلوبې سيالۍ وشوې.
د يادو سياليو په پايله کې درې اخراولاق ترسره شول، چې لومړی آخراولاق مصطفی پهلوان، دويم آخراولاق علم پهلوان او درېيم اخراولاق کفايت الله پهلوان تر حلالې دایرې ورسوه او د ډالیو گټونکي شول.
دا سيالۍ راتلونکو ملي لوبو لپاره د چاپندازانو د لا ښه چمتو والي او د دې ولايت وگړو لپاره د سالمې تفريح برابرولو په موخه وشوې، چې يوه ورځ يې دوام وکړ.
