پکتیا؛ د ٢٠ لوبډلوترمنځ د فوټبال حذفي سیالۍ پیل شوې
د پکتیا ولایت د ورزش ریاست او د فوټبال فدراسیون په همغږۍ د پکتیا په مرکزي سټډيوم کې د ٢٠ لوبډلو ترمنځ د فوټبال حذفي سيالۍ پيل شوې، چې يوه مياشت به دوام وکړي.
د دغو سياليو د پيل لوبه د پکتیا تلاش او لوګر شاهين لوبډلو ترمنځ وشوه چې د ١-٠ پايلې سره د پکتیا تلاش لوبډلې وګټله.
يادې سيالۍ چې په پنځو څلور ټيمي ګروپونو کې ترتیب شوې دي موخه يې د فوټبال وده او پرمختګ دى.
