قيس غني لوبډلې د هلمند د فوتسال دويم پړاو سياليو اتلولي وګټله
د هلمند ولایت د فوټسال دويم پړاو سيالۍ چې د هلمند د فوټسال کمېټې له لوري په څلور ګروپونو کې د ١٨ لوبډلو ترمنځ پيل شوې وې، د قيس غني لوبډلې په بریا پاى ته ورسېدې.
د دغو سياليو پایلوبې ته د نور سخي او قيس غني لوبډلو لار پیدا کړه، چې د قيس غني لوبډلې خپل سيال ته د ٨-١ ګولونو په توپیر ماتې ورکړه او د دې سياليو اتلولي يې خپله کړه.
د دغو سياليو موخه د هلمند فوټسال منتخبې لوبډلې ټاکل او په کابل کې د تمريني کمپ لپاره د شپږ تنو لوبغاړو غوره کول دي.
د يادو سياليو په ترڅ کې محمد خان د غوره لوبغاړي، معلم نجيب الله د غوره ګول وهونکي، فريدون سلطاني د زياتو ګولونو وهونکي او محمد د غوره ګول ساتونکي په توګه وټاکل شول.
