بلخ؛ مرکز مزار شریف ښار کې د ٤٠ ورزشکارانو ترمنځ د فول رزم ټاکنیزې سیالۍ ترسره شوې
د بلخ ولایت د بدني روزنې او ورزش ریاست اړوند د فول رزم فدراسیون د استازولي له لوري د ياد ولايت مرکز مزارشريف ښار کې د ٤٠ ورزشکارانو ترمنځ د فول رزم ټاکنیزې سیالۍ ترسره شوې.
دغه سيالۍ د نويو ځوانانو، ځوانانو، او مشرانو ورزشکارانو په عمري کټګوريو او له ۳۵ تر ۸۸ کېلوګرامه بېلابېلو وزني کټګوريو کې تر سره شوې چې په پایله کې یې ١٢ ورزشکاران د بلخ ولایت د فول رزم ټاکنیزې لوبډلې ته وټاکل شول.
دغه سیالۍ د فول رزم ولایتي لوبډلې ته د غوره ورزشکارانو د ټاکلو په موخه ترسره شوې چې یوه ورځ یې دوام وکړ او په پای کې ګټونکو ورزشکارانو ته ستاينليکونه او مډالونه ورکړل شول.
