فاریاب؛ المار ولسوالۍ کې د ۱۰۵ ورزشکارانو ترمنځ د جوجیتسو اتلولۍ سیالۍ ترسره شوې
د فاریاب ولایت د بدني روزنې او ورزش امریت اړوند د جوجیتسو ملي فدراسیون د استازولۍ له لوري د یاد ولایت په المار ولسوالۍ کې د ۱۰۵ ورزشکارانو ترمنځ د نویو ځوانانو، ځوانانو او د لویانو ورزشکارانو په عمري کټګوریو کې د جوجیتسو اتلولۍ سیالۍ ترسره شوې.
دغو سیالیو، چې یوه ورځې یې دوام وکړ، چې په پایله کې رزمندګان کلب ورزشکارانو د ۱۶ امتیازونو په ترلاسه کولو لومړی، ازادي کلب د ۱۴ امتیازونو په ترلاسه کولو دویم او د قیصار کلب ورزشکارانو د ۹ امتیازونو په ترلاسه کولو سره درېیم مقام ترلاسه کړ.
د یادو سیالیو موخه په ولسوالیو کې د جوجیتسو ورزش ته وده ورکول و.
