زابل؛ په شاجوی ولسوالۍ کې د ۲۴ ورزشکارانو ترمنځ د کیک بوکسينګ سیالۍ ترسره شوې
د زابل ولایت د بدني روزنې او ورزش امریت اړوند د کیک بوکسينګ فدراسیون د استازولي له لوري د ياد ولايت په شاجوی ولسوالۍ کی د درې کلبونو د ۲۴ ورزشکارانو ترمنځ د نوي ځوانانو، ځوانانو او لويانو په عمري کټګوريو کې د کيک بوکسينګ سيالۍ ترسره شوې.
دغه سيالۍ، د استاد احمد، استاد عبدالقیوم او استاد نقیب الله د کلبونو ورزشکارانو ترمنځ ترسره شوې، چې په پايله کې استاد عبدالقیوم کلب ورزشکارانو لومړی او د استاد نقيب الله د کلب ورزشکارانو دوهم مقام ترلاسه کړ.
د يادو سياليو موخه د کيک بوکسينګ ورزش ته وده ورکول وو، چې دوه ورځې دوام وکړ.
