زابل؛ په شاجوی ولسوالۍ کې د ۲۸ ورزشکارانو ترمنځ د لاس چپه کولو سيالۍ وشوې
د زابل ولایت د بدني روزنې او ورزش امريت اړوند د ملي او دوديزو لوبو مدريت له لوري د ياد ولايت په شاجوی ولسوالۍ کې د درې کلبونو د ۲۸ ورزشکارانو ترمنځ د لاس چپه کولو سيالۍ وشوې.
دغه سيالۍ، د استاد سميع الله، استاد حسن او استاد روزي محمد د کلبونو ورړزشکارانو ترمنځ ترسره شوي، چې په پايله کې د استاد سميع الله د کلب ورزشکارانو لومری او استاد روزي محمد د کلب ورزشکارانو دوهم مقام خپل کړ.
د يادو سياليو موخه ملي او دوديزو لوبو ته وده ورکول و، چې يوه ورځ يې دوام وکړ او په پای کې غوره ورزشکارانو ته ستاينليکونه ورکول شول.
