غزني کې د شپږو لوبډلو ترمنځ د واليبال سيالۍ پيل شوې
د غزني ولايت د بدني روزنې او ورزش امريت اړوند د واليبال ملي فدراسيون د استازولۍ له لوري او د Y.H.O.D مؤسېسې په مالي ملاتړ د ياد ولايت په مرکز کې د شپږو لوبډلو ترمنځ د واليبال سيالۍ پيل شوې.
د دغو سياليو په پايلوبه کې ازادي لوبډلې خپلې سیالې درېيم پلان لوبډلې ته د ۳/۰ ميدانونو په توپير ماتې ورکړه او لومړۍ بريا يې خپله کړه.
د يادو سياليو موخه د واليبال ورزش ته وده ورکول او له نشه يي توکو څخه د ځوانانو لېري والی و، چې درې ورځې يې دوام وکړ.
د سياليو په پای کې د ورزش مسوولينو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
