ننګرهار؛ په کوټ ولسوالۍ کې د ۱۴ لوبډلو ترمنځ د ټېپ بال کرکټ سیالۍ پيل شوې
د ننګرهار ولايت د بدني روزنې او ورزش ریاست اړوند ټېپ بال کرکټ فدراسيون د استازولۍ له لوري په کوټ ولسوالۍ کې د ۱۴ لوبډلو ترمنځ د ټيپ بال کرکټ سیالۍ پيل شوې.
د دغو سياليو د پيل لوبه د سدیس او احمدي لوبډلو ترمنځ وشوه، لومړی توپوهنه سديس لوبډلې وکړه او په ټاکلو لسو اورونو کې يې سيالې لوبډلې ته د درېيو لوبغاړو په زيان ۱۶۳ منډې هدف کېښود، د لوبې په دويمه پاڼۍ کې احمدي لوبډلې د ياد هدف په ځواب کې ۱۱۰ منډې وکړې او په اووو ویکټو يې ماتې وخوړه.
