د بدن ښکلا افغان ورزشکارانو د بدن ښکلا اسيايي سياليو کې د برونزو څلور مډالونه وګټل
د بدن ښکلا ۵۷م پړاو اسیایي سیالیو کې د افغانستان د بدن ښکلا ملي لوبډلې د برونزو څلور مډالونه وګټل.
په دغو سياليو کې ياسر سمير احسان په دوه وزني کټګوريو ( مثبت ۷۵ او ۱۰۰ کيلو ګرامه), نائب مبارز په ۸۵ کيلو ګرامه او بيا الله ځدراڼ په منفي ۷۵ کيلو ګرامه وزنونو کې د برونزو مډالونه وګټل.
يادو سیالیو کې له افغانستان څخه ۶ ورزشکاران او ۱ پلاوی ګدون لري.
د ويلو ده، چې يادې سيالۍ د ۲۸ هېوادونو په ګډون د ټایلنډو هېواد په کوربهتوب په بنکاک ښار کې د روانې میلادي میاشتې پر ۱۸مه پیل شوي او تر ۲۵مې به دوام وکړي.
