پروان؛ مرکز چاریکار ښار کې د ۱۰ لوبډلو ترمنځ د فوټسال غوره لیګ سیالۍ پای ته ورسېدې
د پروان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز چاریکار ښار کې د ۱۰ لوبډلو ترمنځ د فوټسال غوره لیګ سیالۍ پای ته ورسېدې.
دغه سیالۍ د تک فایټ په ډول ترسره شوې، چې په پایله کې عقابان ګلډن لوبډلې د زیاتو امتیازونو په ترلاسه کولو سره لومړی او ارسلان لوبډلې بیا دویم مقام خپل کړ.
د یادو سیالیو موخه د کال غوره لوبډله موندل و، چې یوه میاشت یې دوام وکړ.
د سیالیو په پای کې د پروان ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالي ورکړل شوې.
