.هلمند؛ ناوې ولسوالۍ کې د ټېپ بال کرېکټ سيالۍ پيل شوې
د هلمند ولايت د بدني روزنې او ورزش آمريت په همکارۍ او د ټېپ بال کرېکټ فدراسيون د استازولۍ له لوري د ناوې ولسوالۍ اړوند خلچ سيمه کې د ۱۲ لوبډلو ترمنځ د ټېپ بال کرېکټ گروپي سيالۍ پيل شوې.
د دغو سياليو لومړۍ لوبه د مرکزي اتحاد او ستورو پنجاودو لوبډلو ترمنځ ترسره شوه، د لوبې پچه مرکزي اتحاد لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې خپلې سيالې لوبډلې ته د ۱۳۰ منډو هدف وټاکه، په مقابل کې ستورو پنجاودو لوبډلې د ټولو اورونو په لوبولو سره ۱۱۵ منډې وکړې او لوبه يې د ۱۵ منډو په توپير وبايلله.
دا سيالۍ ورزش ته د ځوانانو هڅول په موخه ترسره کېږي، چې شاوخوا ۲۵ ورځې به دوام وکړي.
