ننګرهار کې د پهلوانۍ اتلان وستایل شول
دوشنبه، لېندۍ ۲۹، ۱۴۰۰
نعيم پرهېز
د ننګر هار ولایت بدني روزنې او ورزش ریاست د پهلوانۍ سیالۍ دوه هغه ګټونکي لوبغاړي وستایل چې د کابل پهلوانۍ سیالیو کې يې لومړی او درېيم مقام ګټلی و.
طارق عمري د کابل پهلوانۍ سیالۍ کې لومړی او مصور درېيم مقام ګټلی و.
د لوبغاړو د ستاینې په دې مراسمو کې د دې ولایت د بدني روزنې او ورزش د مسولينو په ګډون د ورزش استادانو هم ګډون کړی و، چې د یاد ولایت د بدني روزنې او ورزش رئيس نور احمد حبیبي لوبغاړو ته د اتلولۍ د مبارکۍ تر څنګ په علمي برخه کې د اسانتیاو د برابرولو ډاډ ورکړم.
دغه راز د دې ولایت د اطلاعاتو فرهنګ رئيس مولوي امان الله عادل هم لوبغاړو ته د ډاډګېرنې ترڅنګ د هر ډول همکار ژمنه ورکړه.
