کابل کې د فوټبال نړيوال فدراسيون له لوري د لوبڅارنې روزنيز کورس پيل شو
کابل کې د فوټبال نړيوال فدراسيون ( فيفا ) له لوري د افغانستان فوټبال ملي فدراسیون سره په همغږۍ د هېواد له لسو زياتو ولايتونو څخه ۳۰ لوبڅارانو ته د لوبڅارنې( FIFA MA ) ۶ ورځنی روزنيز کورس پيل شو.
په دغه کورس کې به د فيفا د درېيو ماليزيايي مدرسینو له لوري د لوبڅارنې بېلابېل اصول او قوانين په نظري او عملي ډول تدريس شي.
ياد کورس د فوټبال ملي فدراسیون د رهبرۍ، مسؤلينو او لوبڅارانو په ګډون د هېواد د لوبڅارانو د ظرفيت لوړونې په موخه پيل شو، چې شپږ ورځې به دوام وکړي.
