غزني؛ قره باغ ولسوالۍ کې د ۴۸ لوبډلو ترمنځ د فوټسال نهم پړاو سيالۍ پای ته ورسېدې
د غزني ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په قره باغ ولسوالۍ کې د ۴۸ لوبډلو ترمنځ د قره باغ يووالي جام په نوم د فوټسال نهم پړاو سیالۍ د حصار نای لوبډلې په اتلولۍ پای ته ورسېدې.
د دغو سياليو په پايلوبه کې حصار نای لوبډلې خپلې سیالې اصغر لوبډلې ته د ۲/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د ځوانانو او د لوبغاړو ترمنځ يووالی رامنځته کول او له نشه يي توکو څخه يې لېري والی و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
