غزني؛ ګيلان ولسوالۍ کې د ۱۰ لوبډلو ترمنځ د ټېپ بال کرېکټ سيالۍ پای ته ورسېدې
د غزني ولایت د بدني روزنې او ورزش امريت اړوند د ټېپ بال کرېکټ ملي فدراسيون د استازولۍ له لوري د ياد ولايت د ګيلان ولسوالۍ په اغوجان کلي کې د ۱۰ لوبډلو ترمنځ د ټېپ بال کرېکټ سيالۍ پای ته ورسېدې.
د دغو سياليو په پايلوبه کې اغوجان اتلانو لوبډلې په ټاکلو ۱۰ اورونو کې د ۴ لوبغاړو په سوځېدو سره ۲۰۲ منډې جوړې کړې په مقابل کې ذهين لوبډلې د ۸ لوبغاړو په سوځېدو سره ۱۸۰ منډې جوړې کړې او لوبه د ۲۲ منډو په توپير اغوجان اتلانو لوبډلې په اتلولۍ پای ته ورسېدې.
د يادو سياليو موخه د ټېپ بال کرېکټ ته وده ورکول او په ګيلان ولسوالۍ کې د ځوانانو ترمنځ يووالی رامنځته کول و، چې يوه مياشت يې دوام وکړ.
