هلمند؛ په ناوه ولسوالۍ کې د اتو لوبډلو ترمنځ د ټېپ بال کرکټ سياليۍ پيل شوې
د هلمند ولایت د بدني روزنې او ورزش امریت اړوند ټېب بال کرکټ فدراسیون د استازولۍ له لوري، د ناوې ولسوالۍ په دښت سيمه کې د اتو لوبډلو ترمنځ د ټېپ بال کرکټ سيالۍ پيل شوې.
د دغو سیالیو د پیل لوبه د ناصري اتحاد او ناصری ستورو لوبډلو ترمنځ ترسره شوه، لومړی توپوهنه ناصري اتحاد لوبډلې وکړه او په ټاکلو لسو اورونو کې يې سيالې لوبډلې ته ۱۷۶ منډې هدف کېښود، د لوبې په دويمه پاڼۍ کې ناصري ستورو لوبډلې ياد هدف د شپږو لوبغاړو په زيان پوره کړ او په څلورو ویکټو يې بريا خپله کړه.
هېره دې نه وي چې دغه سيالۍ به ۱۸ ورځې دوام وکړي او موخه يې ځوانانو ته د سالم مصروفیت برابرول ياد شوي دي.
