د فیضاباد اریانا لوبډلې د فوټبال الف ګروپ اتلولي وګټله
په بدخشان ولایت کې د مرکز او کشم، ارګو او بهارک ولسوالیو څخه د فوټبال الف ګروپ کې ۱۰ لوبډلو لوبې وکړې، چې تېره ورځ پای ته ورسېدلې.
یادې سیالۍ د روانې سلواغې میاشتې له لومړۍ نېټې پیل شوې، چې لس لوبډلو پکې ګډون کړی و او پرون د فیضاباد اریانا لوبډلې په بریت پای ته ورسېدلې.
په پایلوبه کې د فیضاباد اریانا او بهارک لوبډلې سره مخ شوې وې، چې پایلوبه درې د دوه پر وړاندې اریانا لوبډلې وګټله او د جام اتلولي یې پخپل نوم کړه.
د پایلوبې مراسمو کې د بدخشان ولایت ورزشي مسوولینو هم ګډون کړی و، چې غورهلوبغاړو او د لومړي او دویم مقام لوبډلو ته یې ډالۍ او مډالونه ورکړل.
