ننګرهار کې د ۱۸۰ پهلوانانو ترمنځ سيالۍ وشوې
د ننګرهار ولايت د بدني روزنې او ورزش رياست اړوند د پهلوانۍ فدراسيون د استازولۍ له لوري د ياد ولايت په مرکز جلال آباد ښار کې د سپين غر زون ۱۸۰ پهلوانانو ترمنځ د پهلوانۍ سيالۍ وشوې.
دا سيالۍ د نويو ځوانانو، ځوانانو او لويانو په عمري کټگوریو کې ترسره شوې، چې په پايله کې يې ۹۰ تنو پهلوانانو خپلو سيالانو ته په ماتې ورکولو سره برياوې خپلې کړې.
د ويلو وړ ده، چې په ورته مهال د مرکز زون د ۱۲۰ پهلوانانو ترمنځ هم په بېلابېلو عمري او وزني کټگوریو کې سيالۍ وشوې، چې په پايله کې يې ۶۰ تنو برياوې ترلاسه کړې.
