سمنگان کې د نویو ځوانانو او ځوانانو ورزشکارانو د واکو کيک بوکسينګ ټاکنیزې سیالۍ وشوې
د سمنګان ولايت د بدني روزنې او ورزش امريت اړوند د واکو کيک بوکسينګ ملي فدراسيون د استازولۍ له لوري په ياد ولايت کې د نویو ځوانانو او ځوانانو ۴۰ ورزشکارانو ترمنځ د واکو کيک بوکسينګ ټاکنیزې سیالۍ وشوې، چې يوه ورځ يې دوام وکړ.
دغه سيالۍ د نویو ځوانانو او ځوانانو په عمري کټګوريو او په بېلابېلو وزني کټګوريو ترسره شوې، چې په پايله کې له هر وزن کې غوره ورزشکارانو د اتلولۍ مقامونه خپل کړل.
د يادو سياليو موخه رزمي لوبو ته وده ورکول، د غوره استعدادونو موندل او ورزش ته د نويو ځوانانو او ځوانانو هڅول و.
