هلمند؛ بُست فوټبال لوبډلې د هلمند فوټبال الف لیګ سیالیو اتلولي خپله کړه
د هلمند ولایت د فوټبال الف لیګ سیالۍ چې درې میاشتې وړاندې د هلمند د فوټبال فدراسیون له خوا پیل شوې وې، پرون د جمعې پر ورځ د بست لوبډلې په لومړي او د اتفاق لوبډلې په دوهم مقام ګټلو سره پای ته ورسېدې.
دغه سیالۍ د لښکرګاه ښار په مرکزي فوټبال لوبغالي کې ترسره شوې،چې نهو لوبډلو پکې ګډون کړی وو.
د سیالیو غوره لوبغاړی جاوید احمد، غوره ګول وهونکی فیض محمد، او غوره ګول ساتونکی عبدالله ونومول شو او د فوټبال فدراسیون له خوا ورته ډالۍ ورکړل شوې.
