اتحاد لوبډلې د لغمان فوټبال سیالیو اتلولي وګټله
په لغمان ولایت کې شاوخوا پنځلس ورځې وړاندې د شپږ لوبډلو ترمنځ د فوټبال سیالۍ پیل شوې وې، چې د اتحاد لوبډلې په بریا پای ته ورسېدې.
د دې سیالیو پای لوبې ته اتحاد او پېروزي لغمان لوبډلو لار موندلې، چې اتحاد لوبډلې په پای لوبه کې خپلې سیالې لوبډلې ته په ماتې ورکولو سره د یادو سیالیو اتلولي وګټله.
د یادو سیالیو د پای په مراسمو کې د لغمان ورزشي مسؤلینو، ګڼ شمېر ورزشکارانو او د ورزش مينوالو هم برخه اخیستې وه، چې په پای کې غوره ورزشکارانو ته ډالۍ هم ورکړل شوې.
