په هرات کې د وزلوبې سیالۍ پیل شوې
په هرات ولایت کې د وزلوبې اوونیزې ژمنۍ لوبې پیل شوې.
د هرات ولايت د بدني روزنې او سپورت رئيس مولوي ګلاب الدين خپلواک وايي: دغه سيالۍ د جمعې پر ورځ د هرات ولايت د وزلوبې د فدراسيون له خوا د هرات ولايت د بدني روزنې او سپورت رياست په همکارۍ پيل شوې او ټاکل شوې، چې دغه سيالۍ به ټول ژمی هره جمعه ګاذرګاه شریفې په میدان کې په اوونیز ډول ترسره شي.
د یادو سیالیو په لومړۍ ورځ او پرانیستې لوبه کې ۲۰ تنو پهلوانانو برخه اخیستې وه.
وزلوبه د افغانستان د خلکو له ملي او دودیزو لوبو څخه ده، چې د ژمي په را رسېدو یې د هېوادو په بیلابېلو برخو کې سیالۍ ډیریږي.
