ننګرهار؛ په سره رود ولسوالۍ کې د ۴۰ ورزشکارانو ترمنځ د سوک وهنې سیالۍ ترسره شوې
د ننګرهار ولایت په سره رود ولسوالۍ کې د څلورو مشرقي ولایتونو ۴۰ ورزشکارانو ترمنځ د سوک وهنې یو ورځنۍ سیالۍ ترسره شوې.
یاد سیالۍ چې د ننګرهار د بدني روزنې او سپورټ ریاست او د سوک وهنې فدراسیون له خوا ترسره شوې د « کونړ، لغمان، نورستان او ننګرهار» ولایتونو ورزشکارانو پکې ګډون درلود.
دا سیالۍ چې د ځوانانو د هڅونې او یووالي په موخه ترسره شوې، د ورزشي مسوولینو ترڅنګ، روزونکو، مخورو، ځوانانو، ورزشکارانو او ګڼ شمېر مینوالو پکې ګډون کړی وو.
په پای کې د ورزشي مسوولینو له خوا میلمه لوبغاړو ته شپږ جوړه لاپونه او غوره لوبغاړو ته مډالونو او ستاینلیکونو ورکړل شول.
