د پروان ولايت د ارغوان ګل په یوولسم ملي جشن کې سپورټي نندارې ترسره شوې
د پروان ولایت د اطلاعاتو او کلتور ریاست له لوري د مرکز چاریکارو په ګل ارغوان هوټل کې د ارغوان ګل د یوولسمې دورې ملي جشن په ویاړ لویه غونډه جوړه شوې وه، چې پکې د یاد ولایت والي مولوي عبیدالله امین زاده، د ملکي او نظامي ادارو رئیسانو، لیکوالو، د ورزش اتلانو، شاعرانو، د رسنیو مسولینو او خبريالانو ګډون کړی و.
په دغه غونډه کې د نورو برنامو ترڅنګ، چې د اړوندو ادارو له لوري وړاندې شوې، د ووینام او پهلوانۍ ورزشکارانو له لوري هم په زړه پورې نندارې ترسره شوې، چې په پای کې یې وړاندې کوونکي ورزشکاران د ولایت مقام د رهبرۍ او اداراتو د رئیسانو له لوري تشویق او وستایل شول.
