هلمند؛ په سنګين ولسوالۍ کې د ټېپ بال کرکټ سيالۍ د ولي افغان اتلانو لوبډلې په اتلولۍ پای ته ورسېدې
د هلمند ولايت په سنګين ولسوالۍ کې د ټېپ بال کرکټ سيالۍ چې ۲۵ لوبډلو پکې ګډون کړی و، د ولي افغان اتلانو لوبډلې په اتلولۍ پای ته ورسېدې.
يادو سياليو چې اوه ورځې يې دوام وکړ، پايلوبې ته يې ګرشک اتلانو او ولي افغان اتلانو لوبډلو لار موندلې وه، چې په پايله کې ولي افغان اتلانو لوبډلې د پنځو ويکټو په توپير سيالي وګټله او اتلولي يې ترلاسه کړه.
د دغه ټورنمنټ غوره توپ وهونکی عارف خوشحال و، ده په دغه ټورنمنټ کې ۳۲۵ منډې جوړې کړې.
همداراز غوره بالر زبيح الله ریاض و، چې په دغه ټورنمنټ کې يې ۱۹لوبغاړي سوځولي وو.
بايد يادونه وشي چې د دغو سياليو په پای کې غوره لوبډلو او لوبغاړو ته بېلا بېلې ډالۍ ورکړل شوې.
