هلمند؛ ګرشک ولسوالۍ کې د پرمختګ په نوم د ټېپ بال کرکټ ګروپي سیالۍ پيل شوې
د هلمند ولایت په ګرشک ولسوالۍ کې د ۱۴ (بي) لوبډلو ترمنځ د ټېپ بال کرکټ ۱۴ اوریزې ګروپي سیالۍ پیل شوې.
د دغو سیالیو د پیل لوبه د هاشمي ځوانانو او ازاد کرکټ لوبډلو ترمنځ ترسره شوه، چې په پایله کې ازاد کرکټ لوبډلې د هاشمي ځوانانو لوبډلې ټاکلی ۱۹۶ مڼدې هدف پوره کړ او په شپږو ویکټو یې ماتې ورکړه.
د یادونې وړ ده چې په دغو سیالیو کې به ټولټال ۲۵ لوبې ترسره شي او نیږدې یوه میاشت به دوام وکړي.
هېره دې نه وي چې دغه سیالۍ د لوبغاړو د لاښې وړتیا په پار پیل شوې چې له مخې به یې غوره لوبغاړي منتخبې لوبډلې ته غوره او ټاکل کېږي.
