پکتیکا؛ په مرکز ښرنه کې د ۲۰ لوبډلو ترمنځ د فوټبال سیالۍ پیل شوې
د پکتیکا ولایت د بدني روزنې او ورزش امریت او فوټبال فدراسیون له لوري د یاد ولایت په مرکز ښرنه کې د ۲۰ لوبډلو ترمنځ د نشه یي موادو په ضد د فوټبال سیالۍ پیل شوې.
د دغو سیالیو لومړۍ لوبه د یوسف خېلو ولسوالۍ د مشخېلو کلي او سروضې ولسوالۍ د سلطانو کلي لوبډلو ترمنځ ترسره شوه، چې په پایله کې مشخېلو لوبډلې خپلې سیالې لوبډلې ته د ۲-۰ ګولونو په توپیر ماتې ورکړه او بریا یې خپله کړه.
هېره دې نه وي چې په دغو سیالیو کې د پکتیکا ولایت پر مرکز او ولسوالیو سربېره د پکتیا او غزني ولایت لوبډلو هم ګډون کړی.
